【照片集】30/3 定期棋聚戰報分享

小編喺今次棋聚見返好多熟悉既面孔啦😍😍 睇來大家已經忙完功課，有時間同班棋友一齊輕鬆返晚~~

 除此之外今次棋聚重嚟咗一位特別嘉賓：來自台灣嘅桌遊設計師😊😊他重特登帶咗自己既作品嚟比大家試玩添🙉🙉

野生捕獲台灣桌遊設計師侃威！！！

台灣桌遊出版社《小螺絲創意》爲我地帶黎 100% Made In Taiwan 嘅 "Mexico 走私" ，設計師重同我地既棋友一齊玩添🙌

雖然小編無份落場，不過根據落場玩家既意見，依隻Game有D似改良版既"馬尼拉"，加左欺騙對手既元素喺入面，互動很大比"馬尼拉"更耐玩😉

另外一隻佢地出版既遊戲"逃跑吧！怪獸！"，睇吓大家玩得幾歡樂~~~

如果大家錯過咗今次既試玩機會，可以下星期嚟棋聚一齊再開過嫁😄

喺另一間房，六個外星人為咗逃離就爆炸既月球搶奪最後一架太空船😼

依隻新到貨既桌遊叫做"MoonQuake Escape"，最多可以六個人玩，
大家用雷射槍互射互偷裝備以阻止對手爬到頂層，圍毆既歡樂程度比得上小白世紀😎

大家好似好鍾意玩D破壞友誼既遊戲😈😈另一枱喺到開緊「逃離亞特蘭提斯」(Survive：Escape from Atlantis!)，係隻超考驗人性既遊戲，玩家可以移動鯊魚海怪食咗你既對手，係咪又血腥又破壞友誼呢？😁

呢枱就喺到研究緊卡卡頌，玩家們扮演中世紀既諸侯，派出自己部下攻城掠地。由於規則幾簡單又好玩，所以非常適合桌遊新手嘗試~

最後臨走前玩返鋪輕鬆小品—Love Letter先😊 
棋會既Love Letter係蝙蝠俠特別版嚟，扮蝙蝠俠估壞人身份代入感特別高😤

如果會員們睇完之後有某隻Game啱心水想試，可以喺聯絡我們到講低返，等下次定期棋聚一齊再開過!!

今次戰報分享到此結束，我地下星期棋聚再見啦，ByeBye✋✋

【照片集】23/3 定期棋聚戰報分享

小編知道大家忙assignments(其實小編都重有5000字未寫😢)，見唔倒大家好掛住你地呀......

不過今次棋聚有件特別嘅事情發生~~令大家超High超興奮😇😇

喺件特別嘅事情發生之前棋聚已經開始咗啦~~六點半未到角落已經有人迫不及待咁開日本麻將啦！！

日本麻將同香港麻將相比，規則更多同技術要求更高，適合已經覺得香港麻將無咩挑戰性的玩家嘗試

另一邊廂，一班礦工又出動去挖黃金啦~~ 矮人金礦果然係萬年派對Game😃

突然有三個陌生人到來，究竟發生D咩事呢？

依件就係開頭講既特別嘅事啦！原來係香港桌遊頻道 Boardgame Port 桌遊港派人來做訪問，佢地超認真咁帶曬攝錄器材，搞到我地嘅代表都超嚴肅以防NG太多次👽之不過其他棋友就超興奮咁睇住我地條俐打曬結，形成一個好大既對比😈😈詳細的訪問內容等修剪完之後就有得睇啦，大家敬請期待 :)

NG咗三次到三十次倒啦，拍攝終於順利完成~ 去到另一間房，大家都開咗Game好耐啦😲 

依枱開緊作弊飛蛾，係隻可以出貓既遊戲 👻 大家見唔見倒張相有人出緊貓將D牌扔落地下呢？

而傳統棋E邊戰况相當激烈，大家都入左無人之境咁思考緊下一步棋

喺另一個角落竟然有人開深海諜影Captain Sonar!!

深海諜影係一隻合作版既海戰棋，兩邊既隊友各負責運行一隻潛艇，首先炸爆對面潛艇的隊伍就嬴啦！

喺埃森展玩過一次之後今次終於又有機會見倒依隻Game啦，超興奮~~~

Ticket To Ride英國擴充，要用百搭火車飛買科技先至可以放3-6格火車頭係咩玩法 #$%#$

最後臨走之前就當然要玩Crazy Time E隻超爆腦嘅反應Game啦😎 

喺香港唔係禁易玩倒嫁，有興趣下星期來棋聚挑戰吓你個腦嘅極限啦~~

如果會員們睇完之後有某隻Game啱心水想試，可以喺聯絡我們到講低返，

等下次定期棋聚一齊再開過！今次戰報分享到此結束，我地下星期再見啦，ByeBye✋✋

【照片集】三月桌遊戰報分享

最近有比較多的課餘時間可以同同科的同學開一些比較大型的棋了~~有幾副重係全新即開即玩ge tim😃😃唔知大家又玩過幾多副呢?

第一次開死亡寒冬，又要殺喪屍做任務，又要到處找物資求生，規則真係又多又零碎😓不過玩落又幾正，有種要絕地求生的真實感!

蘭開斯特大盒版(Lancaster Big Box)，玩家扮演英國領主佔城打仗，更要於國會選擇性地通過一些對自己有利的法案，投票時的心理戰真係異常刺激！

底比斯卡牌版 (Thebes: the tomb riders)，考古學家掘寶物去，完全能體驗考古學家的辛酸，因為可以做好多準備功夫而什麼寶物都找不倒😡

經典的神秘大地，教完幾個新手玩到一半被人從課室趕了出來，只好拍照封盤下次再開😭😭

又到璀燦寶石屠殺新手的好時機，邪惡的我表示速起大Building完game屢試不爽 👿

如果會員們睇完之後有某隻Game啱心水想試，可以喺聯絡我們到講低返，等下次定期棋聚一齊再開啦~~

【照片集】上下莊之歡樂BBQ

上個月成功開咗會員大會之後就當然要relax返吓啦~幾經努力終於約倒一日可以20個上下莊莊員一齊去大棠燒野食😃

一班先鋒一點鐘就去咗大棠燒烤場霸爐

等咗三個字到三個鐘倒啦，終於開餐啦😁

連主席Kitty隻「拿破崙」都想食埋一份

食到飽飽當然係時候玩集體遊戲啦~~

Happy Birthday to 兩位下莊!!

上下莊大合照

住元朗ge就去食B仔涼粉繼續下場，住東邊ge就唯有提早返屋企啦~

迎新週準備中...

祝大家中秋節快樂!

一年一度ge迎新週(O-Week)下個禮拜就到啦!!!為左等大家對我地E支新棋soc有更多了解，我地會一連五日(19/9-23/9)喺F core podium擺booth，介紹我地棋soc E年有咩精彩活動帶比大家，大家更可以即場試玩唔同ge board game~~

為左大家有個更加好ge體驗，我地莊員喺中秋節都不辭勞苦返左Poly整deco，睇下上面大家攞住舊月餅整得幾開心~~希望喺下星期可以見倒大家拉埋三五知己一齊來玩啦 :)